سرجمیں دنیا ءِ دیما تو منارا انچو گشتگ،
چار روچ ءِ لئیب انت دنیا تو منارا انچو گشتگ،
اچ کجا خضرے درائی کنت منی رهشونیءَ کنت،
جنگلے نیلبومیں دریا تو منارا انچو گشتگ،
من هما انت سُهب و بیگہ گوں وتا اٹکل جناناں،
وهد مرچیگ انت نہ باندا تو منارا انچو گشتگ،
الما نوں گوں شلیں باسکاں سلاهے زورگی انت،
نوں نبیت گیشیں تماشا تو منارا انچو گشتگ،
تیوگیں زندءَ وتی بس جند ءِ فکر ءَ بوتگاں من،
پہ حدا باور کن واجہ تو منارا انچو گشتگ،
تو وتیگا وت بزان دو فرض وانئے یا نہ وانئے،
کحبہ انت قاضی تئی قبلہ تو منارا انچو گشتگ،
بلوچی شعروشاعری او کتاب 
You must be logged in to post a comment.